San
Giusippuzzu cu lu bastuni in manu
la
retina tiravi di lu to sciccareddu,
e
guardannu la via ancora luntana
facivi
cunfortu a Maria spusuzza cara.
Ogni
tantu stanculiddu, t’assittavi, pu viaggiu
e Maria
pietusedda supra u sceccu adagiu adagiu.
Tu vidennu
la stanchezza chi Maria in coddu avia,
rassicuravi
ni la strata pi lu beni ca ti vulia.
E la
santa virginedda, dulurusa pietusedda,
lu figghiuzzu
di lu cori strittu avia ni lu pettu,
ripusannu
amuri amuri, di la matri veru affettu.
E lu figghiu
chi durmia sapuritu beddu beddu,
supra u
cori adagiatu, vigilava l’angileddu.
Lu
disagiu du camminu tu a idda hai pinsata,
e
ristannuci vicinu cu to affettu cunsulata.
San
Giuseppi granni santu, omu onestu, giustu e vantu,
di la
chiesa prutitturi, di la morti si patruni.
Gran
custodi di Gesù, di Maria ogni virtù,
sempri
avanti ni la vita nunustanti la fatica,
nun ti
ferma lu cuntrastu, tiri drittu passu passu.
D’ogni
mastru hai maistria e d’ogni opira pulizia;
giustu e
santu si putenti di Gisuzzu putativu,
veru
spusu di Maria, granni affettu e prutiziuni
e la
fidi sempri viva. Matri santa e pridiletta,
di la culpa
prisirvata, a tia Giuseppi affidata
quali
matri du Missia, comu spusa santa e pia.
Comu
virgini cuncipita, du piccatu allontanata,
l’angileddi
di lu celu scinnianu spissu a cunsulari,
a
guidarvi cu gran zelu e lu piriculu ad ivitari.
San
Giuseppi falignami, facivi tauli e siggiteddi,
avivi
ligna fra li mani e tinagghia chiovi e marteddi.
Sapivi
bonu u to misteri, bonu mastru t’insagnau;
docili e
attentu ad iddu eri, comu mastru assai massaru.
Giustu e
santu patriarca la Putenza a tia ti posi,
tu a
Cristu prutiggisti cu Maria to casta sposa.
Du
tisori u Patri Eternu t’affidau da custudiri,
Matri e
Figghiu dui amuri du Patri eternu a te viniri
comu
doni du celu scinniri.
E non
sulu pi tia sunnu, ma pi tutta l’umanità,
non c’è
paci ni lu munnu, vera ricchizza na la nicissità.
Caru
granni san Giuseppi, comu ti l’ha far caspiri
ca la
terra senza di tia si subissa a non finiri.
Ora
tutti gran divoti prigamu in coru stu gran santu
pi aviri
virtù e doti e tinirini sutta u mantu.
Ad ogni
casa o paisi sunu quatri o munumenti
invucanni
allegri visi nella gioia o patimenti.
Duna a
tutti da mangiari, a picciriddi e puvureddi,
ben di
Diu supra l’altari cu li santi e l’angileddi.
Quannu
pensu ai to divoti, vennu a tia pi nicissità,
fannu
preci e fannu voti pi li grazii a tua bontà;
tu
binignu l’accuntenti, duni a tutti granni esempi,
fannu
puru i nomi di santi chi cu tia invocanti
pi protezioni
e doni tanti.
O gran
santu rinumatu, tu talii n’e vari visi,
supra i
tia su pusati cu dulcizza e puru spisi,
do t’affettu
su richiamati.
Ora
tantu pi finiri, binidici a nui to figghi,
comu a
Jesu e a Maria dunaci anchi boni cunsigghi.
Binidici
o gran Patriarca tutti i misiri e puvureddi,
furasteri
e senza casa, ni lu friddu, e malateddi.
Pedara,
15 marzo 2013
Reina
Vincenzo
salesiano
